Laia berrou dende a porta:
-Mamá vou a dar a volta ao mundo.
E Salaia, a súa nai cun sorriso como a lúa crecente, dixo adeus coa man.
Sabía que cando os pés piden camiño ninguén pode pararlles.
O mundo precisa que o camiñen para existir.
E así Laia voou polo camiño, na súa bicicleta lila, e coñeceu as historias que hoxe conta.
Historias de mulleres bolboretas que coma ela, un día escoitaron o seu corazón.
Bolboretas é un espectáculo de narración oral onde as historias de nenas e mulleres que voan alto son as protagonistas. Todo acontece dende un baul cheo de recordos.
Na voz de Laia, chegan estes contos.
De princesas que se coroan soas.
Que derrotan dragóns vestidas cunha bolsa de papel.
Que coa memoria das mulleres da casa nunha libreta, cociñan un novo mundo.
Do Combotá, un equipo de fútbol diferente.
De como curar a un papá do seu medo aos extraños.
De Frida que é o nome verdadeiro de Cincenta…
Nove historias de nenas e mulleres que se adaptan as idades do público, para contar que outro mundo, sen violencia e con igualdade, é posible.
Por qué Bolboretas?
Un 25 de novembro tres mulleres coñecidas como as bolboretas, as irmás Mirabal, na República Dominicana, foron asesinadas, só por defender os seus dereitos.
Elas como moitas soñaban con voar libres, por ceos altos.
Na súa memoria Naciones Unidas, declaró o 25 de novembro Día da loita contra a violencia de xénero.