A viaxe de Lup
Lupodivico Fernando Gómez de Tipiminí é un lobo moito máis pequeno ca o seu nome tan longo, que lle puxo a súa nai. Por iso, todo o mundo o chama simplemente Lup.
Un día, Lup preparou a súa maleta e marchou dar a volta ao mundo.
Un xersei, unha bufanda, uns peúgos de la, un libro de contos, unha pucha, unha mantiña, a cámara de fotos, un chupete…
—¿Un chupete?
—¿Un chupete é algo que se leva nunha viaxe tan divertida?
Descrición do espectáculo
A viaxe de Lup é un espectáculo de narración oral que mestura son, versos, contos e pequenos obxectos, pensado especialmente para a primeira infancia.
Unha proposta cálida e envolvente que convida as crianzas máis pequenas a viaxar coa imaxinación a través das palabras e dos sentidos.
Público destinatario
Pequenos e pequenas de 12 meses a 3 anos.
Duración
30 minutos.
Necesidades técnicas
-
Espazo escénico para unha mesa, un atril, un pequeno altofalante e unha alfombra.
-
O público deberá estar comodamente instalado en cadeiras baixas ou no chan, favorecendo un ambiente acolledor e relaxado.
———————————————-
Contiños e xogos de Lup
Seguen as aventuras do noso amigo lobo.
Cando chove ou fai frío, Lup queda na casa, pero non se aburre: ten moitos contos e aprende trabalinguas, xogos cos dedos, adiviñas e cantigas.
Un espectáculo de pequeno formato, pensado para bebés de 0 a 3 anos e as súas familias.
Un tempo para xogar no colo, cos dediños, coas mans…
Rou, rou,
xouxigou,
ti que vas
e eu que vou.
Duración
30 minutos
Necesidades técnicas
-
Espazo escénico para unha mesa, un pequeno altofalante e unha alfombra.
-
O público debe estar comodamente instalado en cadeiras baixas ou no chan, nun ambiente acolledor.
